A campaña anual de trampeo da vespa velutina remata con máis de 9.700 capturas en tres meses
11-06-2021
A campaña anual de trampeo da vespa velutina impulsada polo Concello de Zas vén de pecharse cun total de 9.783 capturas en tres meses. As accións centráronse nos meses de marzo, abril e maio; momento no que as raíñas comezan a súa actividade despois do letargo invernal e que é crucial para evitar a formación dos niños primarios. Durante este tempo instaláronse un total de 357 trampas e repartíronse más de 330 litros de líquido atraínte entre os 133 veciños e veciñas que colaboraron na campaña xunto cos apicultores. Tanto as trampas como o líquido atraínte proprocionouselles dende o Concello de forma gratuíta.
As trampas colocáronse naquelas zonas estratéxicas do noso municipio e todas estaban xeolocalizadas co fin de coñecer as áreas de maior incidencia de cara a futuras accións. Cada quince días renovouse o seu líquido e fíxose reconto das capturas realizadas.
Os datos da campaña reflicten a magnitude do problema e, aínda que se prevé que haxa unha reducción considerable, nas vindeiras semanas comezarán a aparecer os niños secundarios. O 012 é o número de teléfono da Xunta de Galicia ao que deberá chamarse no caso de localizar un niño.
O Alcalde de Zas, Manuel Muíño, agradece a implicación da veciñanza para loitar contra a expansión da vespa asiática e recorda que este é o cuarto ano consecutivo que o Concello de Zas pon en marcha con fondos propios unha campaña de trampeo para facerlle fronte a unha praga que afecta a toda a comunidade.
Novas relacionadas
- Capturadas máis de 3000 vespas velutinas en quince días grazas á colaboración dos apicultores e da veciñanza
- Capturadas máis de 850 raíñas de vespa velutina en quince días
- O Concello de Zas pon en marcha unha intensa campaña de trampeo da vespa velutina coa colaboración da veciñanza
- Capturadas 311 raíñas nos primeiros quince días da campaña de trampeo da vespa velutina
- O Concello de Zas pon en marcha unha nova campaña de trampeo da vespa velutina
- Arranca unha nova campaña de trampeo para a vespa velutina
- O Concello de Zas captura máis de 1.500 vespas velutina coa campaña de trampeo
- Capturadas case 600 vespas velutinas en quince días
- Capturadas 338 raíñas na primeira fase da campaña de trampeo da vespa velutina impulsada polo Concello de Zas
- O Concello de Zas instala trampas para a vespa velutina en puntos sensibles
- O Concello de Zas pon en marcha unha campaña de trampeo para a vespa velutina
- O Concello de Zas esixe que a Xunta de Galicia asuma a súa responsabilidade na loita contra a vespa velutina
