Praza do Campo, 1. 15850. Zas. A Coruña.
+(34) 981 70 83 03
Volven as noites de baile ao Centro Sociocultural de Zas
04-10-2019
Mañá sábado, 5 de outubro, arranca unha nova tempada das noites de baile organizada polo Concello de Zas. As sesións con música en directo terán lugar os sábados no Centro Sociocultural de Zas entre as 20:00 e as 23:00 horas e a entrada é de balde.
O Trío Digital será o encargado de abrir mañá a tempada de baile. Esta é unha actividade coa que o Concello de Zas pretende, por unha parte, ofrecer unha alternativa máis de ocio para o público adulto así como fomentar a socialización entre a nosa veciñanza.
