Praza do Campo, 1. 15850. Zas. A Coruña.
+(34) 981 70 83 03
Marcos Mariño dálle vida ao guerreiro Brandomil nunha exhibición de talla de madeira con motoserra
20-08-2021
O guerreiro Brandomil, do que fala Eduardo Pondal na súa obra Queixumes dos Pinos, será o protagonista da exhibición que nos fará o recoñecido escultor da madeira Marcos Mariño a vindeira semana na área recreativa de Brandomil.
Durante estes días, en horario de 10:00 a 14:00 e de 16:00 a 20:00 horas, poderemos admirar en vivo e en directo a destreza de Marcos Mariño coa súa motoserra e que dará como resultudo unha escultura en madeira de grandes dimensións do guerreiro Brandomil.
Marcos Mariño é un referente na talla de madeira con motoserra. Participou en varios certames internacionais e é embaixador da marca Husqvarna. Esta non será a primeira vez que o escultor visita o noso municipio xa que nos fixo máis exhibicións en pasadas edicións da Festa da Carballeira de Zas.
Con esta actividade, o Concello de Zas pretende dar a coñecer a súa historia a través de actividades tan singulares coma esta e á que poden asistir todos os públicos.
