Avanzan as obras de asfaltado que se están a realizar en máis de 30 quilómetros de estradas municipais
02-07-2021
![](../../../../media/../media/img/Plan_mellora_estradas_municipais_Zas.jpeg)
Aproveitando a chegada do bo tempo, o Concello de Zas puxo en marcha estes días o Plan de Mellora de Estradas Municipais que chegará ás 16 parroquias que forman o noso municipio.
Os traballos que están a realizar as empresas adxudicatarias consisten no asfaltado de máis de trinta quilómetros da rede viaria municipal. Trátase de estradas de diferentes anchos e lonxitudes e que, por especificacións técnicas, houbo que agardar ao bo tempo para executar as obras.
“Manter en bo estado unha rede de comunicación tan estensa é todo un reto para un municipio con menos de 5.000 habitantes. Sobre todo debido á gran cantidade de quilómetros que a forman e aos danos que provocan os sucesivos temporais que rexistramos todos os invernos”; sinala o Alcalde de Zas, Manuel Muíño Espasandín. Ante esta situación e co fin de mellorar a seguridade da veciñanza, o equipo de goberno decidiu destinar unha parte dos recursos económicos municipais a reparar as vías máis afectadas e que, polo tanto, necesitaban dunha actuación urxente.